Rokowe Maszkyty

Witom wszystkich rokmanów, rozwechtanych po cołkij naszyj modryj Kuli, wtorzy mnie tukej znodli i pozdrowiom wos serdecznie.
Rokowe Maszkyty to tako Playlista w keryj byda wom przedstawioł stare, niezapomniane i łoczywiście tyż nowe jesce nie wszystkim znane, rokowe i metalowe śpiewki z roztomajtych katygorji i łokresów do tego połosprawiom wom bylejakie krótkie bery i bojki ło tych śpiewkach i wykonawcach.
Po co to robia??? bo chca się podźielić tym, co śie przez kupa Lot w gowie nazbierało i uważom że brakuje dziś takich audycji, kaj szło posuchać fajnyj rokowyj muzyki i dowiedźieć śie byle jakich pierdołek i na dodatek jesce po naszymu. ślonsko Godka jest ważno i trza jom szanówać a my ślonzoki momy Muzyka we krwi. Jo sie wychowoł na sitzpolkach i szlagierach zanim zeh poznoł inne Style. Muzyka poprawio Launa i z muzykom żyjymy lepiej i dużyj. My som jednom rokowom Familiom. Jak ino jeden cowiek, bydzie mioł uciecha tego posuchać, to już śie to łopłacioło nagrać. zawsze Pamiyntejćie: Kożdo sekunda z dobrom energiom w duszy jest ważno, aby beboki nie mieli pokarmu.
Na początek śpiewka do wszystkich rockmanów na świećie - Rokowy Hymn łod ślonzoków...Old Silesian Soul

 motlyj kru - lajv łaje

 Krokus – RockenRoul Tunajd

Ootem braid - Andajin

Henoj Roks – ilevens strit kids

A teroz cośik z blank inkszyj Kisty, Finsko formacjo Henoj Roks założono 1979 roku przez Majkela Monro i Endiygo Mekkoja, kero u naszych rokmanów jest dobrze znano a choćby przez to że 16 maja 1983 roku zagrali koncert w Domu muzyki i Tańca w Zabrzu, wto wtedy tam był, to wie ze ich styl to taki pankrokowy Glamrok wymieszany z takzwanym sliezrokiem. Formacjo niestety rozpadła sie w 1985 roku, po wypadku samochodowym w kerym zginoł perkusista Razel (łotym połosprawiom wom ale kiej indziej). Posuchomy dzisiej połnego energji Utworu "ilevens strit kids" kery ukozoł sie w 1981 roku na ich piyrszym kronżku "Benkok schoks, sajgon szajks, henoj Roks a zkomponowoł go gitarzysta Endi Mekkoj. śpiewka ta łosprawio ło solidarności, trudnościach i buncie modych łebków na ulicach wielich miast. Już nie pamientom genał, ale była ta śpiewka chyba grano wedle końca koncertu. Powspominojmy razem ilevens strit kids i Henoj Roks.
_______________________________________________________________________________________________

 
De nju rou_ses - sekynd fyrst tajm

terozki drugo moja nowość, kero u nos jesce nie prze wszystkich jest znano. Chodzi ło grupa De nju rouses, co by po naszymu znaczyło tyla co nowe Róże. Jest to niemiecko grupa kero założyli, niedaleko mnje, bo we Wisbaden, Timmi Raff i Urban Berc w 2007 roku. Zespół zdobył popularność jako support Rokowej Legendy Kiss na Niemieckiej i austryjackiej trasie koncertowej "end of te road" w 2019 i  2022 roku oraz jako piyrszy niemiecki zespół w historyji kery broł udział w rejsach dla fonów, tak zwanych "Kiss Krujs" w 2018 i 2019 roku. Grajom cystego Roka z powiewem kantry i Sautern (tak zwanym południowym) rokiym. Spiewka kero wom zaprezyntuja to zwie śie"sekynd fyrst tajm" i pochodźi z ih debjutańskiej płyty "witaut ej trejs kero wylazła na rynek w 2013 roku. Spiewka łosprawio ło nowym poczontku, ło możliwości przeżycia danch chwil jesce roz. Ta Spiewka nojlepiej podkryślo kierunek muzyczny zespołu i bżmi więcyj "Amerykańsko" jak niewtore Amerykańskie zespoły. Posuchejcie fajnego Countryroka..Sekynd fyrst tajm i De nju Rouses.
_______________________________________________________________________________________________


Kiss - Aj łos mejd vor lawin ju

pomału przechodzymy do klasyki roka, i posuchomy terozki konska kapeli, kero jest na cołkim świecie znano przez pomalowane gymby i kupa fojerwerku na koncertach ło keryj zech już w poprzednim konsku wspomnioł. Chodzi ło amerykańsko formacjo Kiss, kero założyli Poul Stenlyj i Dżin Simmons w 1973 roku w Nowym Jorku. Nie ma chyba takiego rokmana, co by ich nie znoł, grajom takiego rokenrolla pomieszanego z Glemrokiym, choć majom na swojym koncie tyż konski, Metalowe, hardrokowe i nawet dyskotekowe, jak sie zaroz przekonomy, bo posuchomy śpiewki Aj łos mejd vor lawin ju z ich śiódmego Studyjnego Albumu Dajnestie, wydanego 1979 roku. Spiewka napisoł Poul Stenlyj kery chcioł udowodnić, iż napisanie dyskotekowego Hitu jest bardzo łatwe. Spiewka jest do dźisioj nopopularniejszym hitem zespołu. Łosprawio o przyciąganiu, przezanczeniu i czystej miłoćci. Porka kero jest idealnie do siebie skludzono i chce durh ze sobom być. Posuchejmy wienc...Aj łos mejd vor lawin ju i Kiss.
_______________________________________________________________________________________________

ejsi_disi - its_ei_lonnwei_tu_thitop
nastempno rokowo legenda przed nami to austrialijsko formacjo ejsi_disi, kero założono została przez Braci Engusa i Melkolma Jang w Sydnej, w roku 1973. Ich Styl to wszystkim znany Hardrok, ale na początku grali klasycznego blusroka, dopiero po tragicznyj śsmierci vokalisty Bona Skota rozwechtali sie więcej w strona Hardroka. Posuchomy zaroski ih śpiewki z roku 1975 i z pierszego australijskiego Albumu "tijenti" a późniejszego miendzynarodowego albumu "haj_Woultycż" kery ukozoł sie rok później "its_ei_lonnwei_tu_thitop". Spiewka ta łosprawio ło okropnie cienżkich pocontkach w zawodzie muzycnym, ło zepsutyh, staryh autah, ło cygaństwie i chciwości. śspiewka wyróżnio sie przedewszystkim tym, iż Bon Skot osobiście groł w niyj na Kobzie (Gajdy/Gajdach) a łod jego śmierci grupa nie grała już tego konska na koncertach. Pohejmy its_ei_lonnwei_tu_thitop i ejsi_disi
_______________________________________________________________________________________________


de_najt-flajt_okestra - najn-tin_najnti_ejt
a tero zaśik coś nuwszego, szwedzko grupa, kero u nos jest ino u szpeców i miłośników klasycznego roka znano i niw wjym cy kiedykolwiek keśik w jakimś radyjoku była puscano, choć już mo prawie 20 lot. Chodzi o zespól "De najt-flajt orkestra, kero założyli Bjorn Strid i Dejvid Enderson w roku 2007. Grajom klasycznego roka AOR w stylu retro. Wto nie wie AOR (AEdelt Ourjentid Rok) to taki Rok melodyjny, tako "muzyka dla kożdego", Szpece godajom na tyn Styl, że mo "wygładzone Brzmiynie". Poprostu tako Muzyka do Ucha, oo. Posuchomy ih śpiewki "najn-tin najnti-ejt" po naszymu 1998 z ih pierszego Albumu "internol Affe" z roku 2012. Spiewka ta jest gożko-słodkiym wstecznym wejżyniem na Rok 1998, łosprawio ło straconych szansach życiowych, beztroskej modości i gibkość upływającego czasu. Ogólnie pedźieć, to fajny melodyczny konsek. Posuchejmy najntin-najnti-eit i de najt-flajt okestra
_______________________________________________________________________________________________


Kin Krimzon - Epitaf
pierszo dziesiątka chca wom podkryślić czymś specialnym, czymś cego śie tak wartko nie zapomni i co do wszystkich rokowych pokoleń jest aktualne. Nojlepiej mi tu pasuje absolutny rokowy Gigant z progresywnyj izby Angielsko formacjo Kin Krimzon, kero założono została w Londynie w roku 1968 przez Roberta Frippa i Ijena Makdonalda. Konsek kery zech wybroł, to najpotynżniejsze i hyba do dzisioj najmroczniejsze arcydzieło roka, śpiewka Epitaf, kero ukozała sie na debiutańskim Albumie "in die koot of die Krimzon Kin" z roku 1969, śpiewka ta jest mrocznom przepowiedniom i łopisuje poczcie dezorientacji w świiecie, kery stoi nad przepaściom. Idealnie łopisuje poczucie kupa ludźi, keży już nie dajom rady łodróżnić prowdy łod cygaństwa. Prawie 60 lot późnij, śpiewka ta pasuje do tego, co sie terozki na tyj modryj Kuli dzieje. Postemp technologiczny przewyższo naszo zdolność a ludzkość nie jest w stanie uczyć się na błędach historyji. Słowa takie jak "nolydż is a dedli frend" co po naszymo tyla znaczy co "wiedza jest śmiertelnym kamratym" pasujom terozki genał. Konsek tyn uważany jest jako nojważniejszy Fundamynt Progresywnego Roka Przed nami 9 Minut gynśiej skórki..Epitaf i Kin Krimzon

_______________________________________________________________________________________________


Awendż sewenfould - ou_dinery
a terozki coś blank inkszego, Grupa kero zmienio swój styl, jak inni batki. Chodźi ło amerykańsko formacjo Awendż Sewenfould, kero założyli w 1999 roku Metju Sanders, Zahary Bejker, Dżejms Suliwe i Met Wend. Pierwotnie grali metalcor, potem przenieśli sie do Heavy Metalu i Hardroka, grali tyż progresywnie i ekperymentalnie i śpiewka kero terozki zagrom, jest z cołkiej innyj półki. Dugo zech śie zastanawioł, czy wogóle w rokowych maszkiytach zaprezentówać ten Utwór, bo nie zabardzo łon tu pasuje, ale jednak cośik ta śpiewka w sobie mo, że mie przkonała. Zaprezentuja wom Ou-dinery z Albumu wydanego w roku 2023, kery sie zwie "Laif is bat a drim". śpiewka ta jest środkowom częściom trylogi G_O_D w keryj mo nom być przekazano Perspektywa sztucznyj Inteligyncji, kero chce być normalno i łodczuwać ludzkie emocje. Spiewka jest w stylu synth-Pop i Funk-Disko. Zresztom posuchejcie sami... Ou-donery i Awendż sewenfould

_______________________________________________________________________________________________

Byrnin witczys - Byrnin Witczys
ze stylu Disko przełazymy zaśik do cienżkich i szybkich rytmów, coby my nie zacli tańcówać jak Dżon Trawolta w sobotniej nocy. Dobra tero przejdymy do szwajcarskiego zespołu Byrning Witczys, w kerym grajom ino same Frelki. Założony w roku 2015 przez Romanę Kalkul zespół uchodzi za jeden z nojszybciej rozwijających sie babskich Kapel Metalowych, grają dobry stary Heavy Metal z dwiema solówkami, podobnie jak Airon Mejden czy Dżudas Prist, ich piersze Demo zostało w 2016 przez znane Gazyty "Metal Hammer" i "Rock Hard" uznane za Demo miesionca, co im przyniosło Kontrakt ze znanom wytwórniom "Nuclear Blast. Posuchomy teroz śpiewki, co śie tak samo zwie, jak nazwa zespołu i pierszo płyta. Byrnin witczys z albumu Byrnin Witczys wydanego w 2017 roku i Byrnin witczys
_______________________________________________________________________________________________

Metalika - Trapd ander ajs
a tero Klasyk, amerykańsko formacjo Metalika kero zyłożyli Dżejms Hetfild i Lars Urlih w 1981 roku w Los Angeles. Ło tym zespole chyba nie cza dużo godać, bo kożdy ich chyba zno. Zeczeli łod Spied i treszmetalu i chodź przełazieli bylejakie stylowe metamorfozy, to grajom do dziśiej wartki i ćieżki Metal. Posuchomy terozki trapd ander ajs, konska z drugiej studiowyj płyty "Rajd de Lajtnin" kero ukozała śie na rynku w 1984 roku. Pamientom, wtedy jak śie ta Płyta chcćiało mjeć, to na cornym w Katowicach trza było Geltak łostawić. Konsek ten łosprawio ło Cowieku, kery budźi śie mentalnie po zamrożeniu i przeżywo koszmar, bo jego ćiało leży jesce po lodym. Borok rycy ale żodyn go nie słyszy. W przenośni idźie to zinterpretuwać jako Depresja i poczućie izolacji życiowyj. To jedyn z szybszych i agresywnych konsków tej Kapeli. Trapd ander ajs i Metalika

_______________________________________________________________________________________________

Sekson - seven forti seven (Strendżers in de najt)
terozki jeden z nojbardziyj wpływowych hejvimetalowych kapel, Brytyjsko formacjo Sekson, kero powstała w roku 1977 z dwóch lokalnych Kapel. Pierszo to Kapela wokalisty Bifa Byforda i gitarzysty Paula Kłina kero sie zwała "Coułst" a drugo o nazwie "Soab" w keryj grali gitażysta Grejem Oliwyr i baśista Stiiw Daasn. Nojpierw pod na te casy prowokacyjnom nazwom "Son of de Bicz" (cego wom na nasze teraz już nie musza tumaczyć) zanim wkońcu zdecydowali śię na Sekson. Usłyszymy tero ih śpiewka z drugiego studyjnego Albumu "Wiels ow stiil" kery ukozoł śie w Maju 1980. seven forti seven (Strendżers in de najt) jest inspirowano blakautem kery mioł miejsce w 1965 roku, jak we wshodnim konsku Ameryki wywaloło strom i fligry kronżoły nad Nowym Jorkiem bo nie dały rady londuwać. Bif Byford zaispirowoł sie skandynawskim Lotem 101, kery muśioł wtedy londuwać po ćimoku. 747 nawionzuje zaś do Bojinga 747, choć tyn wtedy jesce wogóle nie był znany. Posuchejmy tyj harakterystycznie metalowyj śpiewki..seven forti seven (Strendżers in de najt) i Sekson

_______________________________________________________________________________________________

Dip Pyrpel - y dżsipsys kiss
Zaś cośik z klasyki, brytyjsko formacjo Dip Pyrpul, kero została założono w roku 1968 w Hertford właściwie przez Dżona Lorda i Krisa Kurtisa i nazywali śie "Roundabout" ale fundamentalnymi założycielami Parplów byli Lord, Blakmor i perkuśista Ijan Pejs. W piyrwszy skład (tak zwany Mark 1) wchodźieli jesce wokalista Rod Ewans i baśista Nik Zimper, rok później Blakmor i Lord poznali Ijena Gilana i hćieli go za wszelko cena zatrudnić, Gilan wkońcu zgodźioł śie pod warunkiem, że dojdźie razem z nim, jego kamrat, baśista i pisoż spiewek z ih zespołu "Episoud Siks" Rodżer Glawer. Wkońcu zatrudniyli łobóch i tak powstoł drugi legendarny skład, (tak zwany Mark 2) kerego śpiewki teraz posuhomy "y dżipsys kiss" pochodźi z powrotnego, legendarnego albumu "Pefekt Strendżers" kery ukozoł śie łoziem lot po rozpadźie Grupy w roku 1984. Tekst jest typowy do Gilana, abstraktcyjny, napełniony Metaforami i idźie go w wiela knifów interpetówać. W skróćie, chodźi ło energio żyćiowo, bunt ze systymem i ućieczka łod codźienńości. Y dzsipsys Kiss i Dip Pyrpul
_______________________________________________________________________________________________

Alis Kuuper - Giiw de Kid a brejk
terozki piyrszy wokalista, solista! I wto byn tu lepiej pasówoł, jak nie som Potek Shock-Roka Alis Kuuper kery przyszed na świat jaka Vinsent Dejmen Farniyj w 1948 roku w Ditrojt jako syn Pastora. W 1974 przyjoł łoficialnie nazwa sweogo wcześniejszego zespołu jako własne Nazwisko. Zrewolucjonowoł roka swymi Konzertami, kere przez to że używo tam Gilotyn, elektrycznych stołków, żywych żmij i kupa sztucznyj Krwi, som jak Horror-Tejater. śpiewka, kero teraz usłyszymy to cośik blank inkszego, zwie śie "Giivw de Kid a brejk" i pochodźi z jego drugiego solowego i zarazem tyż Koncepcyjnego Albumu "Alis Kuuper gous tu Heel" kery wyloz w roku 1976 tu fajnie widać jak roztomajto może być muzyka rokowo. śpiewka łosprawio ło tym, jak Alis stoji przed bebokym w samym Piekle i błago go ło litość, ale z Czortym ciężko godka. Zaśik muzycznie, śpiewka jest kabaretowo i wesoło, w cołkiem innym klimaćie niż tekst, Giiw de Kid a brejk i Alis Kuuper
_______________________________________________________________________________________________

Sunder - Rouling de Dajs
Nastympny Konsek, to angielski zespół "Sunder" kery za moich młodźieńczyh czasów jesce nie istnioł, bo zostoł założony w roku 1989 przez wokalisty Deniego Bouza, gitarzysty i głównego kompozytora Luka Mouliego i perkuśisty Gerriego Dżejmsa keży noprzód razem grali w Kapeli "Teraplein". Grajom klsycznego Hard Roka lat siedemdźieśiontych. Przełom mieli przedewszystkim na wyspach, kaj ih pierszo Płyta zdoboła sztatus "Złotyj Płyty". Posuchomy śpiewki "Rouling de Dajs" kero pochodźi z trocha późniejszego czasu, bo z ih piontego studyjnego Albumu "Giwyn de gejm auwej" kery ukozoł śie 10 lot późniyj, bo w roku 1999. śpiewka nawionzuje do Gry Hazardowyj, tytuł tyj śpiewki po naszymu to "kulać kostkom" tyn Utwór w przenośni nawionzuje do podejmowania ryzyka w życiu i w miłośći, a Styl jest klasycznym Blusowym rokiym. Ceniony przez Fanów, jest często grany na koncertach. Suchomy Rouling de Dajs i Sunder
________________________________________________________________________________________________

ZiZiTap - Aj got de Mesidź
zaśik coś z klasyki roka, legendarne amerykańskie Trio zizi Tap kere założone zostało w roku 1969 w Teksasie przez Billa Gibbonsa, na samym poczontku w skład zespołu wchodźiyli Lanjer Grieeg kery groł na Klwaiszach i Den Miczel na perkusji. Rok późniyj uformowoł śie wszystkim znany skład z Dustym Hilem i Frankiym Birdym kery śie przez 50 lot, aż do śmierći Dustjego Hilla w roku 2021 nie zmienioł, po nim na baśie gro Elłud Fransis. Zapytany kejśik "jak powstała nazwa Grupy" Gibons łodpowiedźioł, iż hćioł żeby Nazwa boła hołdym do jego wcześniejszych Idoli, bezto hćioł połończyć Nazwiska ZiZi.Hill i BiBiKing, ponieważ ZiZiKing byłoby za bardzo podobne, to wywnioskowoł że King czyli Król jest na cołkim wierchu, po angielsku Tap i tak mu wylazło ZiZiTap. Utwór jaki wom teroz puszcza, to Aj got de Mesidź z roku 1985 kery ukozoł śie na dźiwiontym studyjnym albumie pod nazwom Afterbyrner. śpiewka jest einfachowo i łosprawio ło Komunikacji i ih braku roztomajtych relacjach. Styl jest charakterystyczny na Lata łoźiemdźiesiąte i rozpoznawczy do tyj Kapeli, posuchejmy Aj got de Mesidź i ZiZiTap
_______________________________________________________________________________________________

Rasz - Lajmlait 
a teroz zaśik Trio, ino z innyj Izby. Legenda roka progrsywnego, kanadyjsko Formacjo Rasz, kero powstała w roku 1968, w ih pierszy skład właźyli Aleks Leifson, Dżon Ratsie i Dżef Dżons, kery trocha później zostoł zastompiony przez szkolnego Kolegi Leifsona, Gediego Lee. Rasze słynom z ih perfekcyjnyj wirtuozji i filozoficznyj tematyki. Zacynali jednak łod Hardroka, dopiero w roku 1974, jak Dżona Ratsie zmienioł na bebnach Nil Pier, formacja przejawiła śie i zacła grać rozbudowane kompozycje kere ewoluwołały ih styl. Konsek kerego terozki posuchomy to lajmlait, kompzycja z ih łósmego studyjnego Albumu "Mouvin pikczar" kery ukozoł śie w roku 1981 i uchodźi za ih najsłynniejszy. śpiewka łosprawio ło tym, jakie Problemy powstajom razem ze sławom i jak ważno wtedy staje śie prywatność. Solówka, kero tu jest zagrano przez Leifsona jest technicznom doskonałościom, przekonejćie śie sami Lajmlait i Rasz
________________________________________________________________________________________________

Riwersajd - diskad jou fier
Łostońmy przy progressywnyj muzyce, bo nastempny konsek, to polsko formacjo Riwersajd, kero założyli w 2001 roku Pejter Kozieracki, Pejter Grudźiński, Marjusz Duda i Jacek Melnicki w Warszawie. Jak dokładnie doszło do założenia zespołu, połosprawiom innym razem. W przećiwieństwie do Raszów, grajom oni progresywny Metal, tako mieszanka ze klimatycznie Rokowych i metalowych rifów połonczonych ze gełembokiymi i emocjonalnymi tekstami. Ih debiótańsko płyta "Aut of Majself" łodniosła wartki sukces nie ino w Kraju, ale przede wszystkim na zachodzie kaj Grupa jest fest doceniano i zaliczano do Klasyki Gatunku. Posuchomy tero ih konska "Diskad jou fier" z Albumu "Law, Fier and de tajm maszin" wydanego w roku 2015. śpiewka to pozytywny Apel aby łodciepnąć cykory i strachy i łodolyćś u śiebie śioły do zmian życiowych. W tym konsku widać stylowo zmiana na łatwiejszego i melodyjnego roka z wpływami lat 80-tych. Diskad jou fier i Riwersajd
________________________________________________________________________________________________

Motohed - Aj wount pej jou Prais
Po tyj łogromnyj porcji Roka progresywnego, teraz cośik do miłośników surowego ciężkiego brzmienia, a jak godomy ło surowym i bezkompromisowym brzmieniu, to zaroski śie jeden zespół do gowy wćisko, mom na myśli brytyjskie Trio Motohed, kere powstoło w Roku 1975 a założył je Ijen Kilmister lepiyj wszystkim znany jaki Lemi. W pierszym składzie obok Lemiego na Basie, grali Edi Klark na gitaże, kery odszedł od grupy w 1982 roku i fil Tejlar na perkusji kery zainspirowoł kupa innyh perkuśistów trasz i spiedmetalu, bo groł na takzwanyj "podwójnej stopie". posuchomy Konska "Aj wount pej jou Prais" z drugiego studyjnego albumu "Owerkil" kery wyloz w roku 1979 i łodniós łogromny sukces nie ino na wyspach. Spiewka ta, to wyraz buntu i niezależnośći, Lemi śpiewo, że nie mo zamiaru dostosowywać śie do zasad innych i nie mo ohoty płaćić cyny za cudze oczekiwania. Also, Głośniki na ful do Aj wount pej jou Prais i Motohed
_________________________________________________________________________________________________

Helołin - Dokter Stajn
Kolejny Konsek to formacjo, kero jest u miłośników metalu dobże znano, Niemiecko Grupa Helołin. Założyli jom w roku 1984 w Hamburgu: Kaj Hansen, Markus Grouskopf, Ingo Szwiśtenberg i Miśiael Wajkat. Uchodzom jako założyćiele Powermetalu, choć poczontkowo grali typowego Speedmetala, wtedy to Kaj Hansen som śpiwoł i groł na gitaże, ale po krótkim czaśie zkapnoł śie, że jest to na koncertach bardzo sztresowe i do grupy dołączył śpiewok Miśiael Kiske z nim zespół poleku zmienił styl na Melodyjny Powermetal. Usłyszymy tero śpiewka Dokter Stajn z ih trzećiego studyjnego Albumu "kieper of de sewen kijs czeńść drugo" z roku 1988, tekst śpiewki jest śmiyszny, łosprawio w humorystyczny sposób ło dochtorze, kery twoży roztomajte potworki, kere potym dźiałajom w Polityce i muzyce, hmmm, cośik mi to przypomino niewtore znajome gymby... ale posuchejćie sami - Dokter Stejn i Helołin
_______________________________________________________________________________________________

Wiźins of Atlantys - Madżik of de Najt
Tero przedstawia wom Grupa, kero moim zdaniem miała w łostatnich latach nojwiększy postymp. Mom na myśli austryjacko formacjo Wiźins of Atlantys kero powstała już 26 lot nazod bo w roku 2000 a założyli jom perkuśista Tomas Kaser, jedyny członek kery gro jesce do dźiś, gitażysta Werner Fidler, baśista Majk Koren, Kris Kamper i Krystjan Sztani po krótkim czaśie dołonczoła do nich Nikol Boogner jako żyński Vocal. Zespół nazwom i stylistykom nawionzówoł do Atlantydzkiego Mitó a muzycznie orientowoł śie w strona symfonicznego Metalu na wzór grupy "Najtwisz". Przez dłuszy czas zespół przechodźił wiele zmian w składźie i w poszukiwaniu stylu, aż w końcu w roku 2013 na prośbę Tomasza Kasera do grupy dołączyła francuska vokalistka Klementin Delonaj, co urotowało zespół przed rozpadem.W roku 2018 od grupy odszedł vokalista Sigfryd Samer a zastompioł go włoch Mikele Gwajtoli i od tego czasu znodli swój styl. Przedstawia wom konsek "Madżik of de Najt i ih nojnowszyj płyty, kero ukozała śie na rynku w roku 2024 i kero zwie śie "Pajrets dwa - Armada". Spiewka ta łoddaje Klimat rajsy łokryntym i jest instrumentalnie bogato, choby muzyczno ścieżka filmowo, dobra koniec godki, tero muzyka Madżik of de Najt i Wiźins of Atlantys
________________________________________________________________________________________________

Ajen Mejdn - De Prizner
Nastympny Konsek, to klasyka Heavy Metalu, zespół kery mo na swoim Konćie ponad sto milionów spżedanych kronżków i kery osiongnoł nojwiększe sukcesy na cołkim świećie, brytyjsko Formacjo Ajen Mejdn kero założył baśista Stef Haeris w roku 1975 w Londynie. Poczontkowo skład zespołu czynsto śie zmienioł. W roku 1978 dołonczył wokalista Poul Djano i zessół nagroł pod koniec lat 70tych pierszy kronżek. Przełom nadszed w roku 1981 jak Djano muśioł skuli braku dyscypliny grupa opóśćić a na jego miejsce Haeris zatrudnioł modego Karlusa z potynżnym głosym Brusa Dikinsona. Pierszo Płyta z nowym śpiewokiem "De namba of de bist" kero ukozała śie w roku 1982 zaroski wdropała śie na piersze miejsce brytyjskich schlaglitsów. Posuchomy tero śpiewki de Prizner z tyj przełomowyj płyty. śpiewka jest inspirowano kultowym serialem o tyj samyj nazwie, kery w latach 60tych lecioł w brytyjskiyj telewizji. Łosprawio ło wywiadowcu, kery jest wieńźiony na tajemniczej wyspie i tam znany ino jako Numer 6. Spiewka ta, jest stałym elementem na koncertach grupy...z Albumu de namba of de bist, de prizner i Ajen Mejdn
______________________________________________________________________________________________

Nasaref - Sambedi tu roul
z klasyki Metalu przechodzymy do klasyki roka ale łostanymy na brytyjskich wyspach przedstawia wom tero szkocko formacjo Nasaref, kero powstała w roku 1968 na fundamynće lokalnyj grupy "de Szadeets" a założyćelami byli śpiewok Den Mekkefertiy, gityżyśći Meni Czarlton i Pit Egniu oraz perkuśista Deryl Słit. Ih piersze dwa Albumy boły bardzo eksperymentalne bo łonczyły rok z folkiem i muzykom kauntry, dopiero trzeci album, kery wyprodukowoł Rodżer Glawer baśista zespołu dip Pyrpyl, wylansówoł śie na brytyjskie listy Hitów, osobiśćie mom troha słabość do tyj kapeli, bo boł to mój pierszy konzert. Posuhomy tero śpiewki "Sambedi tu roul" kero pohodźi z ih łósmyj płyty "tu plajn de gejm" wydanyj w roku 1976 i łosprawio ło energi rokenrolla, kero Kapela dowo na swoih koncertach. Styl tyj śpiewki to typowy i klasyczny hardrok wymiyszany z blusym, a wienc co tu dużo godać..sambedi tu roul i Nasaref
______________________________________________________________________________________________

Bluuz pyls - Soon from a mouning Daff
Nastempny Konsek, to zaśik coś nuwszego, Szwedzko Grupa Bluuz Pyls kero założono została w 2011 raku przez Vokalistka Ylin Larson, amerykańskiego baśisty Zeka Andersona i francuskiego gitarzysty Doriana Sorio. Jeich Styl to takzwany Retrorock, typowy blusowy Hard Rock lat 60tych i 70tych. Głos Larson czensto porównywany jest do Dżajns Dżoplin, co podkryślo wielki sukces ih pierszyj płyty, kero wydali w roku 2014. Przedstawia wom terozki fajno spokojno Ballada pod tytułym "Soon from a mouning Daff" co po naszymu idźie przekludźić jako "śpiewka beczoncego Gołymbia". Jest to smutno śpiewka ło śmierći i straćie niewinnej osoby i ło nadźieji spotkania jej w innym świećie. Spiewka ukozała śie na jeih trzecim studyjnym albumie "Holy Moly" z roku 2020. Posuhejmy razym melankolijnyj Balady Soon from a mouning Daff i Bluuz Pyls
_______________________________________________________________________________________________
 
Juraja Hip - Luk et Jouself
po tyj spokojnyj nowśći, zaśik coś z klasyki Roka i to z nie byle jakij, bo jeden z tak zwanyj wielkiej Czwórki wczesnego brytyjskiego Hardroka. Grupa Juraja Hip kero założyli Mik Boks i Dawid Bajren w roku 1969 w Londynie. Nazwa zespołu to zakłamano postać z opowieśći Charlsa Dikensa "Dawid Kopperfild", kero durh łokreślo śie samego za pokornego coby dotrzeć do swojih wrednych celów. Na tyn pomysł wpod Menadżer Grupy Gery Bron z okazji setnyj rocznicy śmierći Charlsa Dikensa.Spiewka kero wom tero zaprezyntuja zwie śie Luk et Jouself i pochodźi z ih trzećiego Albumu ło tyj samyj nazwie, kery wyloz na rynek w roku 1971. Spiewka napisoł Ken Hensly a tematykom jest autorefleksja Hensleja w środek samego śiebie i szukanie żyćiowych wskazówek. We studyjnych wersjach, Hensly ten utwór śpiewo som, ino na koncertach śpiewka jest wykonywano przez Bajrena. Wienc wejrzyjmy na samych śiebie, Lik et Jouself i Juraja Hip
______________________________________________________________________________________________

Erousmit - Houl in maj Sool
a terozki przechodzymy zaśik przez Ocean i posuhomy troha spokojniejszych Rytmów amerykańskyj formacji Erousmit, kero w 1970 sformowała śie w Bostonie z poąonczynia dwóh lokalnych zespołów "Czejn reakczion" Stiwena Tajlora i grupy "Dżam Bend" w keryj grali Dżo Peyry i Tom Hemilton. Zespół zdobył nie ino w Ameryce wielko sława kaj jest uważany za nojwiynkszy amerykański zespół rokenrolowy, ale tyż i na cołkim świecie bo mo na swoijym konćie ponad 150 milionów sprzedanych płyt i zapisoł sie 2001 do historji swym miejscem w Rokenroll Hol of Fejm. Ih rozpoznawalne brzmienie to Hardrok wamieszany z Blusem, choć ih fenomenalny powrót na poczontku lat 90tych, brzmioł bardzo poprokowo. Konsek kerego posuchomy, pochodzi z trocha późniejszego łokresu a dokładnie z dwunostego studyjnego Albumu Najn Lajws kery ukozoł śie w 1997 roku i zwie śie Houl in maj Sool, jest to Ballada ło utraćie ukochanej Osoby i bólu i pustce kero pozostała w sercu. Posuchejmy Houl in maj Sool i Erousmit
________________________________________________________________________________________________

Merillien - Gaden Pati
a Tera cośik colkiem inkszego, z takzwanego neoprogresywnego Roka przedstawia wom śpiewka grupy Merillien. Angielsko Formacjo kero odrodzioła w latach 80tych Rock progresywny. Zespoół powstoł w roku 1979 a głównymi założycielami byli perkuśista Mik Pojnter, kery jako jedyny członek broł udział przy nagraniach do pierszyj płyty, baśista i były śpiewok Doog Erwin i gitażysta Stiew Ratery, formacja poczontkowow zwała śie "Silmerillien" tak jak łopowieść Tolkijena, ale że boli śie naruszyć jakieś prawa autorskie i nie hćieli być brani za jakiś zespół kery gro muzyka fantastyczno zmienili nazwa na Merillien. Posuhomy tero konska "Gaden Pati" z ih pierszyj płyty "Skript fyr a Czestes tir" co po naszymu znaczy "Scenariusz do płaczki błazna" z roku 1983, śpiewka jest parodiom do snobizmu angielskich waższych swer i opisuje arogansko Atmosfera Uniwesytetu Kembridż, na koncertach podczas tyj śpiewki, fani ćiepali łogórki na scyna, co nawionzuje do łogórkowych klapsznitów kere w śpiewce som wspomniane i kere som typowe na angielskich fajerach dźiałkowych, bez toż ta śpiewka nośi podtytuł "wielko Masakra łogórkowo", no to zróbćie se tero Klapschnita z łogórkiem a my posuhomy Gaden Pati i Merillien
_______________________________________________________________________________________________
  
Pink Flojd - Ran lajk Hoel
Łostońmy przy kierunku Progresywnym ale przejdźmy do Legendy tego Stylu, do angielskyj kapeli Pink flojd kero powstała w roku 1965 i jest uważano jako nojbardźiej wpływowo i inowacyjno kapela w historji Muzyki, zformowali jom wokalista i gitażysta Syd Berett, baśista Rodżer Woters, Klawiszowiec Riczard Wridt i perkuśista Nik Majson, kery jako jedyny członek groł na wszystkih studyjnych albumach grupy. Pierwotnie Kapela nazywała śie "De Tij Set" ale z kuli tego że istniała już Kapela ło takiej nazwie, wpod Syd Berett spontanicznie na pomysł coby połończyć Imiona dwóch muzyków bluesowych, kerych znoł ze swojej kolekcji płyt "Pinka Andersona" i "Flojdy Kouncila" i tak powstała nazwa Legendy. Nopszud grali Roka psyhodylicznego, ale w roku 1968 Berett muśioł z powodów psyhicznyh łodejść łod zespołu i zastompioł go Dewid Gilmor z kerym Grupa rozwinoła swój epicki Styl Roka progresywnego. Posuhomy tero konska "Ran lajk Hoel" z ih nojpopularniejszyj konceptowyj Płyty "De Łoll" kero ukozała śie na rynku w roku 1979, Fabuła Albumu to Opowiećś ło Rokeże "Pinku", osobie kero śie isoluje łod świata, ta śpiewka jest pełno nienawiśći a "Pink" groźi swoim wrogom i nakazuje im zwiewać. Oto Ran lajk Hoel i Pink Flojd
______________________________________________________________________________________________

Eksept - Metyl Haat
Po tych progresywnych Emocjach, teroz zaś cośik cienższego, riśtig fajny Heavy Metal prosto z Niemiec, formacjo Eksept, kero jest uważano za nojbardźiyj wpływowy zespół metalowy na świećie, powstała w pod koniec lat 60tych pod nazwom "Bend X" założyćielym boł Udo Dirkszneider. W roku 1971 ofizialnie przehśćieli śie na Eksept. Dopiero w 1976 zaczli grać profesionalnie i krótko późniyj nagrali pierszo płyta, w skład zespołu wchodziyli wtedy śpiewok Udo Dirkszneider, gitażysta Gerhard Wal, kery odszedł krótko po wydaniu pierszego kronżka a zastompioł go Jorg Fiszer, gitażysta Wolf Hofman kery jako jedyny gro do dźiśiej w kapeli, Baśista Pejter Baltes i Perkuśista Frank Fridriś kery tyż po nagraniu pierszyj Płyty odszedł i zostoł zasompiony przez Sztafana Kaufmana i to właśnie tyn Rok jest u wielu Fanów uważany za poczontek zespołu. Puszcza tero śpiewka Metyl Haat z Szóstego Albumu ło tyj samyj nazwie z roku 1985, kero jest uważano za jedna z nojwiększych Klasyków Hevi Metalu bo łończy Metal z Klasykom, Gitażysta Wolf Hofman wakorzystoł w solówce gitarowyj konsek Betowena "Dla Elisy" a w poczontkowym Intro "Marsz Słowiański" Czajkowskiego. Spiewka łosprawio ło dystopijnyj Przyszłoćśi bez Emocji  w keryj Ludźie zamiast Serc majom Maszyny. Cołkiym tak jak Tero...Metyl Haat i Eksept
_______________________________________________________________________________________________

Stil Pancer - Itn Ejnt Czitn
Tero coś zabawnego, Kapela kero zaro usłyszymy jest słynno z paradiowanio Ekscesywnego Stylu życia Glam Metalu z lat 80tych "Seks, Drogs end Rchoć powstała 20 lot później, bo dopiero około roku 2000 przez Lata wystympowali w Amerykańskich klubach po różnymi nazwami miendzy innymi "Metal Szop" lub "Metal Skul" aż w roku 2008 świat poznoł ih jako Stil Pancer. Muzycy, a dokładnie to śpiewok Ralf Sajnz jako Majkel Star, gitażysta Ras Perisz jako Setczyl, Baśista Trewis Hejli jako Leksi Foks, kery w roku 2021 zkuli zdrowotnych problemów odszed od zespołu a zastompioł go Sebastjan Silwa jako Spajde i perkuśista Deryn Lider jako Stiks Zudynju przekludzajom śie w role i żartobliwie godajom, że som legyndarnom Kapelom z lat 80tych ale przegapiyli swój przełom. Posuchomy konska pod nazwom Itn Ejnt Czitn, co po naszymu dokładnie leći "Jodło to nie zdrada" o idźie ło, no wiyćie tam robienie Lodów i takie byle jakie tam...no ogólnie pedźieć to Seks oralny nie jest zdrdom, śpiewka perfekcyjnie podkryślo Muzyczny Styl zespołu, w kerym czynsto jest używano zbereźno godka. Spiewka pochodźi z ih piyrszego Albumu "Fil de Stil" kery na rynku ukozoł śie w 2009 roku. Co tam? Lepiyj mniyj godać, a wiencyj suchać "Itn Ejnt Chitn i Stil Pancer
______________________________________________________________________________________________

Wajtsnejk - Krajn in de Rejn
Po dobryj dawce Metalu, przechodzymy zaśik do klasyki Roka i do brytyjskiej legyndarnyj Formacji Wajtsnejk (co po naszymu to Bioło Szlanga, kero założoł były śpiewok "Dip Pyrple" Dejwid Kawerdejl jak łodszedł z tyj grupy w roku 1978, poczontkowo, boł to solowy Projekt Kawerdejla kery nagroł dwie solowe płyty, a że potrzebowoł do nagrań i Koncertów grupa Towarzyszonco, to pozbieroł pora chopców i nazwoł to "De Wajtsnejk Bend" późniyj nazwa zmieniono w krótsze "Wajtsnajk" i Projekt zmienioł śie w zespół. W pierszy skład zespołu whodźili Gitażyśći Miki Muhdi i Berni Marsdn, baśista Nil Mari, perkuśista Dejv Dau a na Łorganach po kilku zmianach zasiłdł Dżon Lord z Dip Pyrple kery groł tam do 1984 roku i odszedł zkuli Powrotu dip Pyrple. Posuhomy konska Krajn in de Rejn, kery Kawerdejl napisoł krótko po swoim rozwodźie i łopisuje pustka i samotność kero pozostaje po relacjach. Spiewka mo dwie główne wersje, piyrwotno, stylowow wiencyj blusrokowo, jest z roku 1982 i pochodźi z albumu Sejnts end Siners i cienższo, wiencyj Metalowo, kero jest na nosłynniejszym Albumie Wajtsnajk z roku 1987. Puszcza ta pierwotno z 1982.. Krajn in de Rejn i Wajtsnajk
______________________________________________________________________________________________

Gans en Rosis - Swit Czajld a majn
A tero formacjo kero nie trza dużyj przedstawiać i hyba już kożdy miłośnik Metalu sie zastanawioł, kej przyjdźie na nih kolyj, no to właśnie tero som dran a hodźi ło Amerykańsko grupa Gans en Rosis, kero powstała w roku 1985 z połończynia dwóch zespołów "Holyłud Rous" i "ElEj Gans", po krótkim czaśie Exl Rous i Izy Stradlin powadziyli śie z kumplami z ElEj Gans i ći odeszli nazod a Tresi Gans zreaktywowoł zaśik tyn zespół. Na ih miyjsce przyszli Slesz, kery naprowdy nazywo śie Saul Hadsn, baśista Daf Mikkejgen i perkuśista Stiwyn Adler keży grali razym w zespole "Rołd Kru". W roku 1987 nagrali debiutański Album "Epitejt fo Distrakszon" kery sprzedoł śie na świećie w 30tu Milionach i jest nojczyńściyj sprzedowanom Płytom wszehczasów. Album stoł śie światowym fenomenym i właśnie z tego kronżka posuhomy śpiewki "Swit Czajld a majn", kero powstała przez cufal, Slesz ćwiczoł swój ryf gitarowy kery jest poczontkiem Konska i rozpoznawczy na cołkim świecie, a Ekslowi tak śie ta Melodja spodobała, że napisoł pod nia tekst, kery łopieroł śie na wierszu do jego downyj Lipsty. Boła to jedyno pierszo pozycja na amerykańskiyj liśćie Bilbord Hot handert, wienc tero Swit Chajld a majn i Gans-en Rosis
_______________________________________________________________________________________________

Kets in Spejs - Mauronejts
A tero zaśik coś blank nowego, co w naszyh radyjokah żadko leci, Angielsko Grupa Kets in Spejs, po naszymu "Koty we pżestszyni" kero założyli w roku 2015 gitażysta Greg Hart i perkuśista Stiwi Bejkon z misjom łodrodzenia klasycznego Roka lat 70tych. Razem z innymi sesyjnymi Musykantami (Sesyjni Musykanty to som ći, co pomogajom zespołom pży nagrywaniu płyt abo na koncertach, ale nie som członkami zespołu) mieli dość tyj współczesnyj, pustyj minimalnyj Muzyki, ih pierszo płyta "Tu meny Guds" pizła w środowiskach Roka jak Pieron w kałuża co im pomogło koncertować z Gigantami jak "dip Pyrple" abo "Stejtus Kło". Posuchomy Konska "Mauronejts" z ih cwortego Studyjnego Albumu "Etlantis" kery ukozoł śie w roku 2020. Spiewka łosprawio ło ludzkim żyćiu, jak Elity nami sterujom i pociongajom za sznurki, a my skokomy tak jak łoni hcom, łoni kontrolujom nasze żyćie a my som Lalkami w teatrze. Styl tego utworu to perfekcyjne połonczynie roka klasycznego z progresywnym akzentym. Mauronejts i Kets in Spejs
_______________________________________________________________________________________________

Dijo - Ol de Fuls Sejld Ałej
Nastempny Konsek to jedna z moich ulubionych śpiewek kero jest wykonywano przez malućkiego śpiewoka z ogromnym głosym, napewno kożdy Rokmen śie już domyślo iż idźie ło amerykańsko Formacjo Dijo kero założył w Roku 1982 Roni Dżejms Dijo jak łopóśćioł Blek Sebbes. Dijo urodźioł śie jako Ronald Dżejms Padawona w 1942 roku w Potsmes, USA. Jest łon w świećie metalu znany, bo spopularyzował gest "rogów" (Manokornuta) kery przejoł łod swojyj Omy. Dijo śpiewoł w legyndarnych formacjah jak "Elf", Blek Sebbes" cy "Rejnboł" niystety mioł raka żołondka i łodszedł w roku 2010. Posuchomy tero konska "Ol de Fuls Sejld Ałej" co po naszymu mianuje śie "wszystkie Gupieloki łodpłyneli" z czwortego Albumu grupy Dijo "Drim Iwel" kery wyloz na rynek w roku 1987, śpiewka jest mi blisko, bo łosprawio ło ludźiah, keży ślepo drahujom za tym, co żond i inne Instytucje im łobiecajom i apeluje coby my zahowali własno Indywidułalność i niy dali śie pozbawić wolnośći. Dijo śpiewo "Nie dej śie wplontać gupielokom, bo jak roz wpadniesz, to nigdy nie wyleźies" Jo to ino moga podkryślić, i to podwójnie Ol de Fuls Sajld Ałej i Dijo
_______________________________________________________________________________________________

Altarja - Pałer tu Hil
a tero zaś cośik z nuwszyj szuflodki, co u nos chyba ino miłośnicy Metalu bliżyj znajom. Fińsko Grupa Altarja kero w roku 2000 założyli baśista Marko Pukkila i perkuśista Toni Smedjebaka, ich Styl to Energia Powermetalu połonczono z melodyjnym Rokiym lat 80tych, przez zespół przewinoło śie kupa fińskich muzyków takich jak Jani Limatajnen z Grupy "Sonata Arktika" lub Empu Wuorinen z Formacji "Najdłisz", aż w roku 2016 zespół zawieśioł swoja działalność. W Roku 2020 ogłośiyli reaktywacja Zespołu. Posuchomy tero konska "Pałer tu Hil" co po naszymu tyla znaczy co "śioła by lycyć" z ih nowyj Płyty "Łisdom" kero ukozała śie w Roku 2022 śpiewka łosprawio ło wewnytrzym uzdrowieniu, że kożdy cowiek mo w sobie moc i Energio aby śie uzdrowić i lycyć swoje fizyczne i psychiczne rany. no to wsuchomy śie razem tero w Pałer tu Hil i Altarja
________________________________________________________________________________________________

Blek Sebbes - Blek Sebbes
O..i doszli my do nastympnego Klasyka i Legendy roka do Blek Sebbes. Zespół powstoł w roku 1968 w zachodnio-środkowyj czyńści Angli, Byrmingen. poprzez śtyrech Muzyków keży zmiynieli na zawsze oblicze Rokowyj scyny. Gitażysta i muzyczne Serce zespołu Toni Ejomi, Harakterystyczny śpiewok i Frontman Osii Osbaurn, baśista i autor mrocznych tekstów Gihsa Batla oraz perkuśista Bil Wuord. poczontkowo wystympowali po roztomajtymi nazwami i grali roztomajte muzyczne style, zanim w 1969 roku stwierdziyli kej ludzie lubiom mieć cykor i łaźić do Kin na Horrory to zmiynieli swój Styl i nazwa we mroczniejszy rehtunek. Wćiepna tero na Talyż konsek kery jest uważany jako narodźiny Hejwi Metalu, z piyrszyj Płyty "Blek Sebbes" kero ukozała śie w piontek, 13-tego Lutego 1970 roku posuchomy śpiewki "Blek Sebbes" kero już ino samym poczontkiem buduje mroczny klimat, bo slyszymy Dysc, buża i kościelne dzwony, główny Ryff to tak zwany "Tryton" (Muzycy godajom na to zmniejszono Kwinta) abo inacyj "Dioboł w muzyce" kery w średniowieczu nie boł chentnie słuchany przez kościół. Jest tako teoria wśród metalowców, iż boł łon przez Kościół zakazany, ale nie jest to nikaj pisymnie potwierdzone. Dobra, wto mo cykor, to niyh lepiyj przewinie dalej, bo bydźie śie terozki dźiodź...Blek Sebbes i Blek Sebbes
_________________________________________________________________________________________________

Ewentejszja - Sajn of de Kros
Nastempny Konsek to właściwie nie zespół a Projekt bo Ewentejszja to takie Scenowe Przedstawienie z roztomajtymi Gwiazdami scyny Metalowyj i Rokowyj. Na taki Ajnfal wpod śpiewok Grupy Edgaj, Tobijas Zamet w 1999 roku i nazwoł to Metalowom Operom, bo kożdy Album łosprawio jakoś Histaria a zaproszyni Goście, na ogu znani Wykonawcy rokowyj scyny, wćielajom śie w te Role, tak jak w operze. Na poczontku mioł to być jednorazowy Studyjny Projekt, ale wybioł śie wartko jako światowy fenomen i tak Formacja sprzedała miliony Płyt i som regularnie na światowych Festiwalah. Posuhomy śpiewki "Sajn of de Kros" co po naszymu znaczy "Znak Krzyża" z piyrszego Albumu Koncepcyjnego "de Metal Opera" kery wyloz na rynek w roku 2001 i odnios tak ogromny Sukces, że Projekt wydoł do terozki 9 nastympnych Albumów Koncepcyjnych i przewinoły śie tam przez tyn cos nojwienksze Gwiazdy światowyj Scyny Rokowyj. Konsek tyn jest czyńściom całyj Płyty kero łosprawio ło Mnihu Gabrielu kery w 16nostym Wieku sprzećiwio śie planom inkwizycji w Fikcyjnym świecie "Ewentejszja", w tym Konsku wystempujom miendzy innymi Rob Rok jako Biskup, Oliver Hardman jako papież Klymens czy Kaj Hansen jako cwerg. No to nic ino suhomy...Sajn of de Kros i Ewentejszja
_______________________________________________________________________________________________

Juef-o - Dakter Dakter
A tero zaśik Legenda Roka, kero u nos dobże jest znano, bo koncertowali za Komuny w roku 1983 aż 3 razy pod żond w Spodku. Chdźi ło Grupa Juef-o kero założyli w 1968 roku śpiewok Fil Mog, gitażysta Mik Boultn, Baśista Pit Wej i perkuśista Endi Parker w Londynie. Poczontkowo wystympowali po nazwami "de Bojfrends" i "Hokuspokus" zanim wybrali nazwa Londyńskiego Klubu Latajoncych talyrzy. Najwienksze Sukcesy odnieśli jak dołończoł do nich Majkel Szenker w roku 1970. W roku 2024 Fil Mog oficjalnie ogłośił koniec działalności zespołu. Juef-o jest takzwanym Mostym miendzy klasycznym Hardrokiem i brytyjskim Njuwajw Hejwimetalem. Posuhomy ih chyba nojpopularniyjszego Konska Dakter, Dakter z Albumu Fenominen z roku 1974, śpiewka napisoł Majkel Szenker razem Filem Mogiem a łosprawio ło niefajnych Infekcjach kerych nabawili śie członkowie grupy podczas trasy koncertowyj u bylejakich pielyngniarek. A tero Dakter, Dakter i Juef-o
_______________________________________________________________________________________________

Menowor - de gods mejd Hewi Metl
Terozki przedstawia wom Amerykańsko Formacjo Menowor, kero w 1980 roku założyli Baśista Dżołi Demajo i Gitażysta Ros Fridmn w Nowym Jorku, krótko później do zespołu dołonczoł śpiewok Erik Edems. Ih Styl to cysty i prawdziwy Hejwi Metl, wystympujom jako Wojownicy a ih texty łopierajom śie o północno myteologia i potynżność Stali. Som znani jako najgłośniejszy zespół świata (powyżyj 130 Dezibeli, to tak choby ći wtoś z Gywery przed uhym wystrzeloł) i z nojdóższych Koncertów. W 2008 Roku zagrali pieńcio Godźinowy Koncert we Bułgarji. Posuhomy terozki śpiewki z ih łósmego studyjnego Albumu "LaudadnHel" kery wyloz na rynek w 1996 roku, hymnu Fanów "de gods mejd Hejwi Metl" kero łopisuje zwionzek Fanów ze Zespołym a przesłanie jest einfahowe "Hewi Metl to bosko moc, kery jedoczy roztomajtych ludzi". Jo to ino moga podkryślić i pedźieć "Bogowie stwożyli Hewi Metl i uznali go za dobry - De Gods mejd Hewi Metl end dej so yd it wos gud" i Menowor
_______________________________________________________________________________________________

Sin Lissy - Renigejd
Nastympny Konsek to tyż legyndarny Przedstawićiel Roka, irlandzko formacja Sin Lissy, kero w 1969 roku przywołoł do żyćia baśista i główny Kompozytor Tekstów Fil Lajnet i jego Kamrad z bajtelskich lot perkuśista Brajen Dałni w Dablinie. Po krótkim czaśie dołonczyli gitażysta Erik Bel i Erik Riksen jak usłyszeli Lajneta grać na żywo. Riksen zaśik łopóścioł po poru mieśioncach zespół. Poczontkowe Klangi nie przypominały jednak późniejszego Hardroka ino boły miszankom Blusa i Roka Psyhodylicznego z folklorym. Poczontkowe dwa Albumy nie przyniosły komercyjnego sukcesu, dopiero kej na jednyj z prób, chopcy przez cufal zagrali rokowo Wersja irlandzkyj śpiewki Ludowyj "Wyski en de Dżar" i nagrali to na Singel, to doznali gigantyczny Sukces bo śpiewka boła na pierszym miejscu w Irlandji i znolazła śie w pierszyj Dźieśiontce na Wyspach. Teroz posuhomy ale innyj śpiewki, kero zwie śie "Renigejd" i pochodźi z Albumu ło tyj samyj nazwie, kery ukozoł śie na rynku 1981 roku. śpiewka łosprawio ło Autsajdeże kery jest wykluczony i żyje na krawendźi. Lajnet napisoł ten Tekst na swój wizerunek. Pusuhejćie Konska, kery żadko jest kaj puszczany...Renigejd i Sin Lissy
_______________________________________________________________________________________________

Dżudes Prihst - Ilektrik Aj   
Teroz zaś przechodzymy do legendy hejwi Metalu, bo tyn zespół zdefiniowoł klasyczny Klang tego Gatunku. Brytyjsko Grupa Dżudes Prihst, kero w 1969 roku założyli wokalista El Etkins, Baśista Brunou Stejpenhyl, perkuśista Dżon Patridż i gitarzysta Dżon Peri, kery krótko po założeniu zespołu, zginoł skuli auto umfalu. Grupa rozwaloła śie w roku 1970 a El Etkins poznoł Muzyków z Grupy "Frejt" a byli to baśista Ijen Hil i gitażysta Kej Kej Dałning keży połonczyli swoje śioły z Etkinsem i przemiynieli nazwa na Dżudes Prihst. W roku 1973 El Etkins łodszedł łod zespołu skuli finansowych powodów coby utżymać rodźina a zastompioł go Rob Helfed, kery boł bratym tamtyjszyj Freli łod Ijena Hila. Rok późniyj dokludźioł śie do nih drugi Gitażysta Glen Tipten. To łoni wprowadźieli do metalu skóre i ćwieki, kery do dźiś jest mundórym metalowców. Przedstawia wom terozki ih śpiewka "Ilektrik Aj" z Albumu "Skriming four Vendżens" z roku 1982. śpiewka nawionzuje do Kśionżki Dżordża Orwela 1984, tytułowe Elekryczne łoko, to szpiegowski Satelita kery bez ustajnie łopserwuje kożdy Krok cowieka i pozbawio go prywatnośći. No to...Ilektrik Aj i Dżudes Prihst
_______________________________________________________________________________________________

Betl Bist - Anferi Tejls
Nastempny Konsek to Powermetalowy Fiński Zespół Betl Bist, kery sformowoł śie w Roku 2008 w Helsinkah a na Ideja wpadli Gitżysta Anton Kabanen, Gitżysta Juso Sojnio i Perkuśista Piyry Wikki. Anton przy wyboże nzwy Kapeli inspirowoł śie Figurkami z Lot 80tych, W roku 2010 wygrali "Waken Metal Betl" pokonujonc tyśionce Zespołów z cołkigo świata co pżyniosło im piyrszy Kontrakt płytowy. Ih Historia naznaczono jest wielkiymi zmianami Personalnymi, kere miały zawsze łogromny wpływ na brzmiynie Kapeli. W Roku 2012 łodeszła śpiewocka Nitte Walo a zastompioła jom Nora Lułhimo kero zaśik z powodów Prywatnych łopuścioła Kapela pod Koniec Roku 2025 a zastompioła jom Mariina LaToraka, ale nie ino wokalistki śie zmieniali, w roku 2015 skuli różnic Artystycznyh, zwolniony łostaje główny założyćiel i Autor Tekstów Anon Kabanen a na jego miejsce wloz Joona Bjyrkrot. Choć ih Brzmiynie śie zmieniało to do Dźiśioj grajom potynżny Powermetal. Jak łogromny to przekonomy śie teroz, bo posuhomy śpiewki Anferi Tejls z ih piontego Albumu "Noł Moh Holiłud Endings"
kery na rynek wylozł w roku 2019. śpiewka bawi śie słówkami i łosprawio w bajkowym stylu mroczniyjsze społeczne tymaty. posuhejmy Anferi Tejls i Betl Bist
_______________________________________________________________________________________________

Slejd - Hał Dju Rajd
Terozki przedstawia wom zaśik coś z Klasyki Glem Roka, Najpopularniejszo Brytyjsko Formacjo lat 70tych Slejd, kero w 1966 Roku założyli Gitżysta Dejw Hil, Perkuśista Don Połel i Baśista Dżim Li, keży znali śie już pierwyj z innych Grup, Jak doszed do nih Vokalista i Gitażysta Nodi Hołlder to wystympowali jako Embrous Slejd zanim ih Mynadżer skróćioł po wydaniu debjutańskiyj Płyty ta nazwa na Slejd. Słynyli nie ino ze zachrypnionego Głosu śpiewoka i tupioncyh Rytmów, ale i z Byków jakie robiyli ekstra w Tytułach i tekstach ih śpiewek. Mieli w latach 70tych na Wyspach aż 17 hitów we Top dwudźiestce a w tym 6 na pierszym miejscu. Posuhomy terozki śpiewki Hał dju Rajd z pżełomowego Albumu "Slejd" kery ukozoł śie 1972 Roku na Rynk. Spiewka łosprawio ło wartkih Autach, buntowniczym stylu byćio i ło poszukiwaniu Ejndruków, śpiewka perfekcyjnie łoddaje Energio jako miała ta Kapela w tym łokreśie. Gośno i surowo Hał Dju Rajd i zespół Slejd
________________________________________________________________________________________________

Myrsiful Fejt - De Ałt
Nastempny Konsek to Pionieży cornyj Hejwymetalowyj Scyny, duńsko Grupa Myrsiful Fejt kero w 1981 założyli wokalista Kim Bendiks Pejdasen lepiyj znany jako King Dajemend i Gitażysta Hynk Szyrmyn w Kopenhadze. Byli jednymi z pierszych Metalowych Kapel, kery używały Rekwizytów, takih jak łobrucone Kżyże cy Mikrofony z ludzkich Kośći, ih Styl to połonczynie brytyjskiego Hejwimetalowego ćieżkiego bżmienia z progresywnym Hardrokiym. Skuli różnic Artystycznych pomiendzy Dajmendem a Szyrmynym zespół rozwalył śie w roku 1985. Pierszo Reaktywacja miała miejsce na poczontku lat 90tych, a nastympno w 2019 roku. Zespół do teroz dowo Koncerty i wystympuje regularnie na wielkich Festiwalah Metalowyh. Przedstawia wom terozki śpiewka De Ałt z ih drugiego Albumu "Dołnt Brejk De Ałt" kery na Rynek wyloz w 1984 roku. Spiewka szegółowo łopisuje Rytuał wprowadzynia do zakonu Satanistycznego, co wtedy w społeczyństwie wywołało kupa Larma. Utwór słynie ze skomplikowanych Ryfóf i ciongłyh zmian tempa i Głosu, ale posuhejmy sami - De Ałt i Myrsiful Fejt
________________________________________________________________________________________________

Dżyrni - Łil in de Skaj
Terozki zaśik coś z Roka, ale z inkszyj Biksy, Amerykański Zespół Dżyrni, kery w 1973 założyli byli Muzycy legyndarnyj Grupy "SanTana", genialny mody gitażysta Nil Szon i Kijborder Greg Rołli w San Francisko. Poczontkowo grali zkomplikowanego progresywnego Dżes-Roka, kery nie przytaszczoł żodnyh sukcesów. Dopiero w 1977 roku pod Presjom Mynadżera do zespołu dołonczoł Wokalista Stiw Pyri, jego unikalny silny Głos na cołki łodmienioł Klang i Styl Grupy, kero łobrućioła śie w strona melodyjnego Hardroka. W 1998 Pyri odszedł od zespołu z powodów zdrowotnych a zastompioł go Stiw Odżyri kery po łośmiu latach tyż skuli powodów zdrowotnych łopuśćioł Grupa. Przez krótki okres zastompioł go Dszef Skot Sotoh zanim w roku 2007 nowym wokalistom zostoł Filipińczyk Arnel Pin-Eda kery do Dźiś śpiewo w zespole. Posuhomy ih przełomowego Konska Łil in de Skaj z ih czwortyj Płyty "Infiniti" kery wylazła na Rynek w Roku 1978. śpiewka łosprawio ło melankoli i tesknoćie Muzyka, kery jest durh w traśie koncertowyj i nie wie kaj los go jutro ćiepńe. Była to pierszo w Histori zespołu, spiewka kero trefioła na amerykański Bilbord Hot Handret i zajoła 57 miejsce. Posuhejmy Klasyka muzyki Rokowyj Łil in de Skaj i Dżyrni
_______________________________________________________________________________________________

Indakszyjn - Born Fram Fajar
Nastempny Konsek to modo nowo Europyjsko Formacja Indakszyjn kero założył niemiecki gitażysta Tim Kanoła Hansn, syn Legendy niemieckiego Hejwi Metalu Kaja Hansena znanego z "Helloween" und "Gamma Rej" Grupa wartko zdoboła pozytywne opinje w świećie Metalowym, ale Pandymio Koronavirusa powstrzymała rozwój zespołu. Dopiero od 2024 roku, po kolejnyh zmianach personalnych Formacja uformowała swojom stabilność z włoskim wokalistom Gabrjel Gozi. Zaprezyntuja wom terozki śpiewka Born fram Fajar z ih drugiyj Płyty kero wylazła na Rynek w 2022 roku i zwie śie tak samo jak ty śpiewka "Born fram Fajar". Spiewka poruszo tematyka mistycznyh przepowiedni, buntu i ludzkih Emocji. W czaśie nagrań Tim prawie całkowićie łodnowioł skład zespołu w kerym wtedy śpiewoł jesce popszednik Gabrjela, Greg Kyns kery łodszedł w 2024 roku, coby zkoncyntrować śie na włysnym zespole, ale ło tym kej indźiyj. Przed nami Born fram Fajar i Indakszyjn
________________________________________________________________________________________________

Suzi Kłotro - Klondajk Kejt
A tero cośik cołkiym specjalnego, Baba kero udowodnioła cołkiemu światu, iż Rock to nie ino mensko Domyna, Amerykańsko wokalistka i gitażystka Basowo Suzi Kłatro, kero na świat wylazła 03.Czyrwca 1950 roku we Ditrojt jako czworte z pięńćiu dzieci Muzycznyj rodziny Helen i Art Kłatro. Suzi już jako Ośmiolatka grała w zespole Taty na Bebnach a w wieku 14 Lot, założoła własno Grupa dokupy ze swojymi szwestrami. Na poczontku lot 70tych łodkrył jom słynny brytyjski produzynt Muzyczny Miki Moust, kery zaproponowoł jyj Kontrakt ale bez Zespołu. Kłatro podjoła ryzykowno Decyzjo i wyjehała do Angli kaj ofizialnie zaczoła śie jyj Kariera muzyczno. Posuhomy Konska Klondajk Kejt z jyj drugiego Albumu "Kłatro" kery na Rynku ukozoł śie 1974 roku. Spiewka łosprawio ło twardyj i dzikiyj Tancerce z czysów Goronczki Złota na żekom Klondajk, Prawie w tym samym czaśie pojawioła śie brytyjsko Zapaśniczka Dżejn Porter kero przyjoła tyn psełdonim. No to nic ino jadymy...Klondajk Kejt i Suzi Kłatro
________________________________________________________________________________________________

Drim Tsijetar - De Yljen
Terozki przedstawia wom coś z Progresywnego Hejwi Metalu. Amerykańsko Kapela Drim Tsijetar, kero w 1985 roku założyło trzeh Studyntów z Bostonu, Dżon Pytruczi, Dżon Majyng i Majk Portnoj. Pierwotnie zwali śie Mydczesti zanim zmiynili nazwa na Drim Tsijetar.Swiatowy Przełom łodnieśli w roku 1992 po dołonczyniu kanadyjskiego wokalisty Dżejmsa Lebrij i wydaniu drugiego studyjnego Albumu. W 1999 roku doszedł klawiszowiec Dżordyn Rudys i Kapela ugruntowała swojom pozycje jako Królowie Gatunku znani z tehnicznyj perfekci i wielogodzinnyh Koncertóe. Zaprezyntuja wom ih śpiewka de Yljen z ih piytnostego studyjnego Albumu "A Wju fom de Top ow de world" kery wyloz na Rynek w 2021 roku. Prawie Dzieśieńczo minutowo Spiewka łotwiero Album potynżnym wstympym perkusyjnym i skomplkowanymi partjami Klawiszowymi i Ryfami. Łosprawio ło zaśiedlaniu Kosmosu przez Ludzkość. W 2022 roku utwór tyn dostoł nagroda Grammy w Kategorji "Best Metl Performens". Epicki De Yljen i Drim Tsijetar
________________________________________________________________________________________________

Pojsyn - Sykrifajs
Nastympny Konsek to jedyn z nojbardźiyj komerzielnych przedstawićieli Glam Metalu lat 80tych, Amerykańsko Formacjo Pojsyn kero w 1983 Roku założyli wokalista Bret Majkels, baśista Bobi Dol i perkuśista Riki Rokit keży piyrwotnie zwali śie Peris, dopiero po przeprowadzce do Los Endżeles i nagraniu debiutańskiego Albumu "Luk wot de Ket drygt" w 1986 roku stali śie skuli mocnego makijażu, natapirowanyh włosów i kolorowyh strojów ulubieńcami stacji Emtiwi, co przyniosło im miendzynarodowo sława. Na Poczontku lat 90tych, po wydaniu trzećiego Albumu studyjnego "Flesz end Blod" skuli ekscesów i wewnętrznych kłótni doszło do rozłamu zespołu i dopiero pod koniec lat 90tych klasyczny skład Kapeli ponownie się zjednoczył. Posuhomy śpiewki Sykrifajs, właśnie z tego Albumu, kero łosprawio ło pożondaniu, namiętności i ofiarach, kere ponosi śie skuli miłości i przyjemności. A wienc Sykrifajs i Pojsyn
________________________________________________________________________________________________

Endżel - Lokt Kokt end Redi to Rok





=====================================================================================
=====================================================================================
Dzis zas odcinek z mojyj serji „Rockowo Lupa”, w keryj polosprawiom wom o roztomajtych metalowych, rockowych i czosami nawet Progrsywnych Kapelach i ich albumach, roz zajmnymy śie pojedyńczymi Albumami a innym razym weznymy śie za Kapele i zrobiemy se tako Ewolucja przez cały ih okres dźiałalności. Powspominomy Legendy z moich modych lot i poznomy nowe i mode Kapele. Dowiedzymy sie roznych ciekawostek i Polosprawiom wom trocha o produkcji i innych ciekawych pierdolkach, zanim lobgodomy pojedyncze spiewki.

W dzisiejszym, odcinku weznymy se album „tytul” Formacji „tytul”